fogar

1. Lugar da cociña, da casa, dunha caldeira etc. onde se fai o lume.

2. Casa familiar.

3. Conxunto de persoas unidas por lazos directos de parentesco.

4. Local destinado á vida social de persoas con actividades ou procedencia común.

Gustaríame sentirme así neste sitio pero tampouco o consigo na miña propia casa. Só esperaba que o sentimento tan desagrable que sentía cada vez que entraba pola porta se esvaecera. Supoño que terei que irme afacendo a que as cousas nunca salgan ben.

Unha vez conseguín que fogar fora unha persoa. Nunca me sentín tan na casa como entón. Pero polo de agora simplemente o teño que intentar con este recuncho temporal.